622

REGISTRES DU BUREAU

[i 56₇]

DCCCXXX. — Recherche des armes es maisons des nottez de la nouvelle relligion.

25 octobre 1567. (H 1784, fol. 43i v°.)

De par les Prevost des Marchans et Eschevins de Paris.

"Sire Thomas Du Ru, Quartinier de lad. Ville, nous vous mandons que faciez sçavoir aux cappitaines de vostre quartier qu'ilz aient à appeller deux notables bourgeois de la Dizaine avecq le Cinquantenier et Dizinier, affin de faire recherche en chacune maison de ceulx qui sont de la relligion nouvelle, et leur oster leurs armes qu'ilz ont en leurs

maisons, et lesquelz cappitaines s'en saisiront par bon inventaire ; et là où en trouverez qui se diront estre pour le service du Roy, vous ne laisserez de bailler en garde les armes au plus prochain voisin jusques ad ce qu'ilz aient rapporté certiffication de leur chef et cappitaine ; et ad ce faictes y user de dilligence avecq toute modeslie, sans attempter à leurs personnes ny à leurs biens. Faict au Bureau de lad. Ville, le xxv^e jour d'Octobre mil cinq cens soixante sept, n

Signé : Bachelier.

DCCCXXXI. — Pour amener vivres pour la fourniture de la maison du Roy

et de Mess¹¹⁸ ses freres.

28 octobre i56₇. (H 1784, fol. 43₃ r°.)

De par le Roy et la ville de Paris.

"Vous cappitaines et gardes des portes, pontz, passaiges, péages et barraiges, et aultres subgectz du Roy qu'il appartiendra, nous vous mandons que vous aiez à laisser passer Nicolas Vaulguion, pour-voieur du camp dud. S^r et de lad. Ville, que nous envoyons en Normandie ct aultres provinces pour amener boeufz, moutons, porcz et aultre bestail à pied fourché pour l'advitaiHément et nourriture de la maison dud. S^r, mere et freres, et pour son camp et armée estant en ceste ville de Paris, et pour ce

faire le laisser passer franchement et quictement par tous lieux et endroictz où passera led. bestail à pied fourché pour venir en cested, ville de Paris, sans luy donner ne souffrir luy estre faict, mis ou donné aulcun destourbier, retardement ou empeschement, ains luy donner tout conseil, confort, aide et conduitte ad ce neccessaire, sur peine d'estre declairez rebelles et desobeissans à la majesté dud. S^r; sy donnons en mandement à tous les justiciers, officiers et subgetz dud. S^r qu'ilz luy obéissent et entendent dilligemment. Donné à Paris, le xxviii* jour d'Octobre m v°1xvh. »

Signé : Bachelier.

DCCCXXXII. — Pour faire bonne garde par tous les endroictz de la Ville.

3i octobre 1.567. (H -7⁸4, fol. 432 v'.)

De par le Roy et la ville de Paris.

«Cappitaine Hotman, qui donnez le mot aux cappitaines de vostre quartier, nous vous prions de faire entendre ausd, cappitaines qu'ilz facent entendre à tous les bourgeois et aultres estans soubz leurs charges qu'ilz se donnent et tiennent sur leurs gardes et préparez, les jour de Toussainctz et féries, et qu'ilz facent bon guet et fortes gardes tant dedans la Ville que sur les murailles et rempartz,

pour certains advertissemens que nous avons euz des malheureuses et meschantes entreprinses que espèrent faire les ennemys de Dieu, du Roy et de nous, sans toutesfois dyminuer la devotion que requiert led. jour à tous bons Chrestiens, qui sera dep party par entre eulx par moictié, les ungs pour le jour et l'aultre pour le landemain, ainsy qu'ilz adviseront; sy vous prions n'y faire faulte. Faict au Bureau de lad. Ville, le dernier jour d'Octobre m v^c Ixvn. n

Signé : Bachelier.